Dasco Capital пен EWPARTNERS Investment Management Limited Қазақстан мен Орталық Азияның инвестициялық экожүйесін дамытуға бағытталған әріптестік туралы меморандумға қол қойды.
EWPARTNERS — басқарудағы активтері 1 миллиард АҚШ долларынан асатын гонконгтық кәсіби инвестициялық компания. Ол трансшекаралық инвестицияларға маманданған және Таяу Шығыс нарықтарында, оның ішінде Сауд Арабиясында, Оманда және БАӘ-де жобаларды жүзеге асырады. Қол жеткізілген уағдаластыққа сәйкес тараптар Орталық Азия аумағында бірлескен жұмысты дамытпақ.
Құжат бірнеше басым бағытты көздейді: ортақ басқарудағы бірлескен инвестициялық қорлар құру; клиенттерге инвестициялық консультация беру — Гонконг нарығына шығуға мүдделі қазақстандық компанияларға да, Қазақстандағы мүмкіндіктерді қарастырып жатқан гонконгтық инвесторларға да; сондай-ақ жобаларды кешенді сүйемелдеу.
Өзара әрекеттестіктің маңызды элементі — инвестициялық шешімдерді құрылымдау және болашақ бастамаларды жүзеге асыру үшін «Астана» халықаралық қаржы орталығының (AIFC) мүмкіндіктерін пайдалану болмақ. Тараптар сондай-ақ бірлескен басқарушы құрылымдар мен арнайы жобалық компаниялар (SPV) құру перспективаларын зерттеуді көздейді.
«Бүгінде Қазақстан мен Орталық Азия инвестициялық бизнес үшін жаңа мүмкіндіктер ашып отыр. EWPARTNERS-пен меморандумға қол қою халықаралық тәжірибе мен жергілікті сараптаманы біріктіріп, активтерді басқару бағытын дамытуға және өңірдегі перспективалы инвестициялық мүмкіндіктерді іздеуге мүмкіндік береді. Бұл ынтымақтастық Қазақстан мен Орталық Азиядағы жаңа бірлескен бастамаларды жүзеге асырудың негізі болады деп сенеміз». — Дармен Садвакасов, Dasco Capital компаниясының CEO
Меморандумға қол қою әріптестікті дамытудағы маңызды қадам болды әрі өңірде активтерді басқару және инвестициялық бастамаларды жүзеге асыру саласындағы бірлескен жұмысқа негіз қалайды.
